Eguerdiko 14etan izango da, Euskari Irratian 2009-05-31

Azkoiti, Oiartzun eta Bilboko bertsoak gaur Hitza Jolasen

 Hitza Jolas programa izango da gaur Euskari Irratian. Eguerdiko 14etatik 15etara bitartean entzun ahal izango da Xabier Sukiak aurkezten duen irratsaioa.

 Gaurko honetan, hiru bertso saiotako bertsoaldiak eskainiko ditu programak.

 Alde batetik, Azkoitiako jaialdia emango dute. Maiatzaren 8an izan zen saioa, eta honako bertsolari hauek kantatu zuten:

 Amaia Agirre
 Onintza Enbeita
 Andoni Egaña
 Egoitz Alkorta
 Iker Zubeldia
 Anjel Mari Peñagarikano

 Bestetik, Bilbon izandako Bertso Ziri Marra ikuskizuna ere entzungai izango da gaurkoan. Argia astekariak antolatu zuen saio hau. Bertan, bertsolaritza eta marrazkiak uztartu zituzten. Honako bertsolari hauek kantatu zuten:

 Fredi Paia
 Unai Iturriaga
 Miren Amuriza
 Igor Elortza

 Beraiekin batera Asisko Urmeneta marrazkilaria aritu zen.

 Azkenik, Oiartzungo Denboraren Makina emanaldiko bertsoak ere entzun ahal izango dira gaur. Honako bertsolari hauek kantatu zuten bertan:

 Anjel Mari Peñagarikano
 Amets Arzallus
 Sustrai Colina
 Iñaki Gurrutxaga
 Ander Lizarralde

 Jon Martin izan zen saioaren gidari.

 Bederatzikoa ataldean, berriz, Luis Otamendik erantzungo dio atzo Olasok jarritako puntuari.

• 
•