DONEZTEBEN JOKATU ZEN LARUNBATEAN 2009-06-01

Saioa Alkaizak irabazi du Nafarroako Eskolartekoa

Saioa Alkaizak irabazi du Nafarroako Eskolarteko txapelketa, helduen mailan. Finala, Donezteben jokatu da asteburuan, Nafarroako Bertsozale Elkarteak antolatuta. Hamar bertsolari aritu ziren kantuan Joxema Leizaren gidaritzapean: Haizea Berueto, Patxi Castillo, Irati Majuelo, Iratí Arrieta, Amaia Elizagoien, Egoitz Gorrostarazu, Maialen Belarra, Josu Sanjurjo, Ioar Taintra eta Saioa Alkaiza. Hamarrek kanporaketa saioa jokatu zuten lehenbizi eta sei pasa ziren azken fasera: Amaia Elizagoien, Egoitz Gorrostarazu, Maialen Belarra, Josu Sanjurjo, Ioar Taintra eta Saioa Alkaiza. Iaz bezala, Alkaiza gelditu zen txapeldun, eta bigarren Josu Sanjurjo. Biek Euskal Herriko Eskolartekorako txartela lortu dute. Donezteben 60 lagun inguru bildu zen finalean eta Manolo Arozenak (Nafarroako Elkarteko lehendakaria) eta Bittor Elizagoienek banatu zituzten sariak.
Datorren larunbatean, txikien mailako finala jokatuko da Larraintzarren.

• 
•