Bertsolari Txapelketa Nagusiak 2017-07-07

Jon Maia eta Unai Iturriaga lagun min baino gehiago

Beti gertuko harremana izandako bi neskaren paperetik aritu ziren 1997ko finalean. Azken aldian adiskidetasuna baino gehiago zen sentitzen ari zirena.

 Udazkenean hasiko da Bertsolari Txapelketa Nagusia. Bien bitartean, motorrak berotze aldera, 1986tik hona jokatutako finaletako bertsoaldirik onenak ari gara errekuperatzen Bertsoa.eus-en.

 Belaunaldi aldaketa 1997an

 1997an dagoeneko asko zabalduta zegoen bertsogintza. Herrialdeetako txapelketetatik hornitu zen urte hartako Bertsolari Txapelketa Nagusia. Araba eta Bizkaiko Bertsolari Txapelketan 38 bertsolari aritu ziren; 58 partehartzaile izan zituen Gipuzkoako Bertsolari Txapelketak eta 18 bertsolari aritu ziren Nafarroa, Lapurdi, Baxenafarroa eta Zuberoako Bertsolari Txapelketan.

 36 bertsolarirekin abiatu zen 1997ko Bertsolari Txapelketa hura, eta belaunaldi berri bateko ordezkariak iritsi ziren Belodromoko finalera. Jon Maia, Maialen Lujanbio eta Jexux Mari Irazu lehenengoz aritu ziren finalean. Unai Iturriagak, Aritz Lopategik eta Mikel Mendizabalek berriz, bigarren finala izan zuten 1997ko hura. Dena den, dagoeneko finaletan beterano ziren bi bertsolari geratu ziren lehenengo bi postuetan: Andoni Egañak jantzi zuen txapela eta Sebastian Lizaso geratu zen txapeldunorde.

 Unai Iturriaga eta Jon Maia hamarreko txikian

 Bertsolari belaunaldiarekin batera hasi zen gaitegia ere berritzen. Unai Iturriagari eta Jon Maiari garai hartan ausartitzat jo zitekeen gaia egokitu zitzaien hamarreko txikian: beti adiskide izandako bi neska ziren, baina azken aldian beraien artekoa laguntasuna baino zerbait gehiago zela sentitzen hasiak ziren. Publikoan zurrumurrua sortu zuen gaiak. Eta bi bertsolariek gaiarekin eta testuinguruarekin jolas eginez ariketa ederra osatu zuten.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin