Arabako Bertso Kuadrilla artekoa 2018-02-15

Aramaixoko Sobrak eta Txandrio, lehen finalaurrekoan

Aramaixoko Sobrak eta Txandrio, lehen finalaurrekoan
Araba Errioxako 'Txandrio' taldea eta 'Aramaixoko sobrak' taldea izango dira Kuadrilla artekoaren lehen finalaurrekoan, larunbatean, Araiako gaztetxean, 19:00etatik aurrera.

Arabako Bertso Kuadrilla artekoa finalaurreko fasean sartuko da asteburuan. Hiru finalaurreko izango dira, saio bakarrera. Lehenbiziko saioa larunbat honetan izango da Araian, Araba Errioxako 'Txandrio' taldea eta 'Aramioko sobrak' taldearen artean.

Txandrio taldeko kideak dira: Orlando Arreitunandia, Iker Olabarrieta, Unai Bengoetxea, Arantxa Sobrino, Alazne Garcia, Ibai Roitegi, Josu Olano, Julen Zabala, Iruleko trikitilariak, Ainhoa Roitegi, Amagoia Garcia eta Edurne Azkarate. Oiongo Txandrio bertso-eskolaren inguruan osatutako taldea da.

'Aramaixoko sobrak' taldean berriz izenak adierazten du jatorria. Taldeko kideak dira: Unai Etxenausia, Peru Abarrategi, Martin Abarrategi, Paula Amilburu, Aitor Ugarte, Beñat Burgi, Maria Izaga, Izar Elorza, Eider Ballina, Idoia Asurmendi, Amaia Arregia, Aldai Zalakain eta Beñat Zalakain.

Egin beharreko lanak

-Agur kolektiboa (ez da puntuagarria)
-A taldeko batek B taldeko batekin ofizioka zortziko nagusian hiruna bertso
-Aurrekoak atzekoei, A taldeko batek B taldeko hiruri eta alderantziz, gai emanda, aurrekoak 3 bertso eta atzekoek bertso bana
-B taldeko batek A taldeko batekin ofizioka zortziko txikian hiruna bertso.
-Hiru punturi erantzun zortziko txikian (B taldeko bertsolariak A taldeko bertsolariari eta alderantziz).
-Asmakizuna A taldeko 3 kideen artean, puntuka, A taldeko batek hitza jakingo du eta taldekideei erantzungo die 3 minututan. Ondoren B taldekoek ariketa berdina.
-B taldeko bik A taldeko biren kontra ofizioka, Iparragirre doinua taldekidearekin erdibana osatuz, gaia emanda audio formatuan.
-Gaia emanda, talde bereko hiru lagunen artean hiruna kopla musikaz lagunduta.

 

Finalaurrekoa Araiako gaztetxean izango da. 19:00etan pikoteoa eta 19:30etan saioa.

Beste bi finalaurrekoak

Otsailaren 24an eta Martxoaren 3an izango dira beste bi finalaurrekoak, Amurrion eta Aramaion. Ibabeko Bertraren bilobak (Aramaio) eta Bapateroak (Gasteiz) ariko dira Amurrioko finalaurrekoan. Aramaioko saioan berriz, Errekaleor Bizirik eta Sumendi bete poto taldeak.

Finala martxoaren 17an izango da Gasteizen.

 

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin