Ostiralean jokatu zen Getxon 2018-02-12

Aroa Arrizubietak irabazi du Abra Saria

Aroa Arrizubieta gasteiztarrak irabazi du Abra gazte Sariketa, Beñat Mujika donostiararekin buruz burukoa jokatuta. Getxon ostiralean jokatu zen saioa, La Dupla jatetxean, ALBEk antolatuta, 70 bertsozaleren beroan. Sei bertsolari gazte aritu ziren kantuan Abran: Aroa Arrizubieta, Kerman Diez, Mikel Lasarte, Beñat Mujika, Lurdes Ondaro eta Ander Ucelay. Bertsolari gazteek saio polita eta bizia eskaini zuten. Abrako bertsoak gaur arratsaldean egongo dira sareko plazan.