Gazte Sariketak 2019-01-07

Mikel Laboa gazte sariketa igandean Donostian

Mikel Laboa gazte sariketa igandean Donostian

Mikel Laboa gazte sariketako VIII. edizioa jokatuko da igande honetan Donostiako Antigua auzoan. Dokak eta auzoko jai batzordeak antolatuta, sei bertsolari gazte ariko dira kantuan: Irati Alcantarilla, Aitor Etxebarriazarraga, Jon Gurrutxaga, Nahia Ibarzabal, Haritz Mujika eta Itxaso Piquer. Dokan, 17:00etan hasita. Aurtengo edizioa Mikel Laboaren heriotzaren 10. urteurrenean dator.

Bertsolarien lanak
Bertsolariek egin beharreko ariketak honako hauek izango dira: 8 handian hiruna bertso, 8 txikian, hiruna bertso, 10 txikian, hiruna bertso, bi punturi erantzun eta hitzari bertso bat. Puntuazio onena duten bi bertsolariek buruz burukoa jokatuko dute: sei puntuko motzean hiruna bertso, puntutan sei bertso osatu arte, eta hiru bertso, nahi duten doinu eta neurrian.

Aurreko zazpi ekitaldietan honako hauek izan dira irabazleak: Unai Gaztelumendi (2012), Asier Azpiroz (2013), Maialen Akizu (2014), Nerea Ibarzabal (2015), Unai Mendizabal (2016), Nahia Sasco (2017) eta Joanes Illarregi (2018).

Albiste gehiago

Ander Anakabe eta Maite Sarasola - Deustuko Elorri bertso-eskola 2019-02-21

"Aferak bertso dinamikaren helburua da zaletasuna piztea eta bertso eskolak plaza izatea"

Jon Lopategiren heriotza 2019-02-12

Jon Lopategiri hiletan kantatutako bertsoak