bertsolamintza 2019-05-15

Bertsolamintzako bigarren saioa, ostegunean Senperen

Amets Arzallusek eta Miren Artetxek eskainiko dituzte hitzaldiak, Larraldean.

Bertsogintzari buruz hitz egiteko eta hausnartzeko Bertsolamintza jardunaldien bigarren saioa ostegun honetan egingo da, maiatzaren 16an Senperen; Larraldean izango da, Bertsularien Lagunak Elkartearen egoitzan, 18:30ean.

Lehenengo saioan Sustrai Colinak eta Amaia Agirrek gai interesgarriak plazaratu zituzten, eta orain Amets Arzallusek eta Miren Artetxek hartuko dute hitza. Gai hauek xehetuko dituzte:

Zeri kantatzen diogu eta zeri kantatu nahiko genioke? Zein da gaur egungo errealitatea? Amets Arzallus
Hizkuntza ideologiak bertsolaritzan. Miren Artetxe

Aurkezle eta moderatzaile lanetan Xumai Murua arituko da.

Eman izena

Sarrera doakoa da, baina izena eman beharko da aurretik, hemen. Maiatzaren 16ko 12:00ak arte egongo da horretarako aukera.