Potokastak - bertso uhinak 2020-04-09

Zabaldu sarrerako atea, aire freskoa hartu eta begiratu behera

Aukeratu zuen etxeko txoko goxoena: sukaldeko leiho ondoa, komuneko alfonbratxoa, sofa biguna edo logelako pareta zabalena… eroso jarri eta igo bolumena... badatoz bertso uhinak bertso-saretik zuen etxeetara!

Gaurkoan plazako uhinak zabaldu eta Arrasatera joango gara, Ane Zuazubiskarren etxe atariraino. Sarrerako lanpasean zapatak garbituko ditugu, Anerekin hitzak trukatzen ditugun bitartean.  Etxera sartzeko gonbita egin digu. Baina nahiago izan dugu etxe atarian geratu. Zerbaitek deitu digu atentzioa. Lurrera begira jarri eta gure oinen azpian topatu dugu mintzagaia: lanpasa.

Ane, zer kantatuko zeniokeen gai honi?

Uhin gehiago laister Bertsoa.eus-eko potokastetan. Bitartean, segi bertsotan!