Ikerketa deialdiak 2021-07-20
Bertsolaritza ikertu duzu edo ikertu nahi?
Erantzuna baiezkoa bada, adi, bi deialdiok interesgarriak egingo zaizkizu eta: ikerketa proiektu sari bat eta GRAL sari bat eskainiko dituzte UPV/EHUko Mikel Laboa Katedrak eta Mintzola Ahozko Lantegiak.
Kilometroek eta Mintzolak Goierriko ahozko ondarea ikertzeko beka esleitu berritan, beste bi ikerketa deialdi jarri dira martxan UPV/EHUko Mikel Laboa Katedraren eta Mintzola Ahozko Lantegiaren eskutik.
Batetik, 2.000 euroko ikerketa proiektu sari bat eskainiko da. Oraindik egin gabe dauden ikerlanak garatzeko saria da hori, eta master amaierako lanen proiektuak lehenetsiko badira ere, beste ikerketa lan monografiko batzuen proiektuak ere onartuko dira.
Bestetik, amaituak dauden Gradu Amaierako Lanentzako sari bat ere eskainiko da. Jada amaituta dauden Gradu Amaierako Lanentzat da; azken bi ikasturteetan defendatutako lanentzat, zehazki. 500 eurokoa izango da sari hau.
Bi deialdien kasuan, unibertsitateko edozein jakintza alorretatik abiatuta, euskarazko kultur sorkuntza izan behar dute lanek ikergai; horietako bat izan daiteke, esan bezala, bertsolaritza. Urriaren 20ra arte aurkeztu ahal izango dira proiektuak eta lanak.
Informazio gehiago www.mintzola.eus eta www.ehu.eus/eu/web/laboakatedra atarietan.
Albiste gehiago
EHBT26 2026-10-10
Xabat Illarregi, Gotaineko gorabeherei bertsoz bertso eutsiz
Igotz Alkorta Irastortza
Bertsoak ez du adinik 2026-10-07
Adin-adin, bertsoa zabaltzen Nafarroako adinekoen egoitzetan
Igotz Alkorta Irastortza
