XILABA 2021 - TXAPELDUNARI ELKARRIZKETA 2021-11-16

Amets Arzallus: "Berotasun handia sentitu genuen eta ederra izan zen"

Sarako plazan elkartu da Amaia Goikoetxea 2021eko XILABAko txapeldunarekin, Amets Arzallusekin. Finala, txapela eta Ipar Euskal Herriko bertsolaritzaren egoera izan dituzte hizpide, besteak beste.

XILABAko laugarren txapela jantzi zuen larunbatean Amets Arzallus Antiak baina lehen bertsotik ikusi zen final berezia izango zela berarentzat aurtengoa. "Asko estimatzen duen pertsona batek" bultzatuta aukeratu zuen doinu hori hasierako agurrean, eta egoera kolektibo eta batez ere pertsonalarengatik inoiz jantzi duen txapel "berezienetarikoa" izan dela ere aitortu digu bertsolari hendaiarrak.

Finaleko lanaren inguruko pertzepzio eta sentipenak aletzeaz gain, Ipar Euskal Herriko euskalgintzan eta bertsolaritzan XILABAK duen  garrantziaz ere aritu dira solasean. "Iparraldean gure hizkuntzaren jiran plaza handi batean elkartzeko ez daude hainbeste aukera eta XILABAko finala da sinbolikoki pisu hori duena, eta gure hizkuntzaren borrokan pieza garrantzitsua da plaza eder hori".

Muga izan da betidanik Ametsen baitako zauri eta izanaren zati, eta aurtengo txapelketan kezkatzen eta mintzen duten gaiei eta hausnarketei  kantatzeko aukera izan du bakarkako lanetan. Finalean kasu: "Begiradek pertsona bati sentiaraztea hau ez dela bere tokia inguruan ditudan pertsonak batzuk behin baino gehiagotan esan izan didate eta oso errealki bizi nuen".

Albiste gehiago

Haritz Mujika - elkarrizketa 2022-10-05

«Txapelketak momentu onean harrapatu nau»

Ganbaran bai - Sarai Robles 2022-10-04

Zuek ikusteko eran

Sarai Robles

Miren Artetxe - Saio ondorengo balorazioa 2022-10-03

«Tope motibatuta etorri naiz baina burrukan ibili naiz»

Iban Urdangarin - Saio ondorengo balorazioa 2022-10-03

«Jendea zutik jartzeak bete nau»

Amaia Iturriotz - saio ondorengo balorazioa 2022-10-03

«Hasieran gaietan kokatu ezinik ibili naiz, gero gusturago»

Xabat Galletebeitia - saio ondorengo balorazioa 2022-10-03

«Ganbarako lanagaz gelditzen naiz»