Bilbon, Euskaltzaindiaren Egoitzan 2022-06-15

Bertsozale Elkarteak datorren astean aurkeztuko du Txapelketa Nagusia

Bertsozale Elkartean datorren asteazkenean, ekainaren 22an, aurkeztuko du Txapelketa Nagusia Bilbon, Euskaltzaindiaren egoitzan,11:00etan. Bertan izango dira Euskal Herriko Bertsozale Elkarteko lehendakaritza taldeko kide den Gontzal Agote Los Santos, eta lurraldeetako bertsozale elkarteetako lehendakariak: Arabako Bertsozale Elkartetik Ekaitz Elorriaga Anduaga, Bizkaiko Bertsozale Elkartetik Belate Olabarria Astobiza, Gipuzkoako Bertsozale Elkartetik Asier Azpiroz Iztueta, Lapurdi, Baxenabarre eta Zuberoako Bertsularien Lagunak Elkartetik Aritz Bidegain Aire eta Alaitz Rekondo Ferrero Nafarroako Bertsozale Elkartetik. Prentsaurrekoan izango dira, halaber, Idoia Trenor Zulaika, Bertsozale Elkarteko koordinatzailea, eta Oier Iurramendi Etxeberria, 2022ko Bertsolari Txapelketa Nagusiko koordinatzailea.

Aurrez iragarri bezala, datorren irailaren 24an hasiko da 2022ko Bertsolari Txapelketa Nagusia Getxon eta abenduaren 18an amaituko da Iruñean. 42 bertsolarik hartuko dute parte txapelketan. Arabako Txapelketa jokatuta argitu dira erabakitzeko zeuden azken bi postuak.