Sustrai Colina Acordarrementeria - Elkarrizketa 2022-11-07

«Txapelketa oso on bat egiteko gosez nago»

2022/BTN22/20221105irun/elkarrizkeak/20221106_sustraicolina_elkarrizketa.mp3.mp4

Irunen saio ona egin zutela esan du Sustrai Colinak, irristadak gora behera. Bigarren itzulira ere «hortzak zorroztuta eta salto egiteko aldartearekin» joango da. «Nik badakit finalean sartzeko bi saio on egin behar direla» esan du. Orain arte txapelketan «oso goi mailako gauzak» egon direla uste du.

Sustrai Colinak finalean sartzeko pauso sendo bat eman du Irungo finalaurrekoa irabazi eta 710 puntu eskuratuta. Txapelketako lehen saioak dakarren kezka plus horrekin, baina, era berean, hortzak zorroztuta eta jauzi egiteko gogoz igo zen oholtzara Colina. Bost ariketetatik lautan ondo ikusi zuen bere burua. Puntutan gelditu zen ez asmatuaren sentsazioarekin.

Sei bertsolariek 2.500 entzuleko plazari ondo erantzun ziotela uste du urruñarrak eta finalaurreko ona izan zela Irungoa, txapelketak berekin dituen irristadak gora-behera.

Seigarren Txapelketa Nagusia du Colinak. 2001ean kantatu zuen lehen aldiz, 19 urterekin, eta beti sartu da finalean. Aldarte onean harrapatu aurtengoak ere, bide bat egiten ari den sentipenarekin, eta geroz eta bertsokera kontzienteagoa darabilela. Gosez dago Iruñean bizi den bertsolari urruñarra, saioz saio bere langa igotzen joateko asmoz. Badaki finalean sartzeko bi saio on egin behar izaten direla, eta horren bila joango da Baionara.

Entzun Bertsoa.eus-i eskainitako elkarrizketa.