Maialen Lujanbio - BTN22ko txapelduna 2022-12-20

«Uste dut eusten hasi eta pixkana gora egin nuela»

Jexux Mari irazu

Maialen Lujanbiori nekea arindu ahala poza loratzen ari zaio zazpigarren finalaren eta hirugarren txapelaren biharamunean. Goizean eusten somatu zuen bere burua, lan asko egiten. Arratsaldean erosoago sentitu zen eta buruz burukoan ia plazako aldartean aritu zela dio. Garaian kokatutako bertsotan jardutea zuen helburu eta lortu zuelakoan dago, txapelketak eskema propioa izan arren.

Hirugarren txapela jantzita, Lujanbiok XXI. mendeko txapelketa ibilbiderik oparoena du. Sei final. Hiru aldiz txapeldun, bi aldiz txapeldunorde eta hirugarren postua. Ez du uste soka asko luzatuko duenik, baina etorkizunari ez dio aterik itxi.