Finalistei elkarrizketak Bertsoa.eus-en 2023-03-10

2022ko Txapelketa Nagusia eta plaza finalisten begietatik

Txapelketa Nagusiko finalaren ondorenean Maialen Lujanbio txapeldunak eta Amets Arzallus txapeldunordeak luze eta zabal utzi zuten finalaren testigantza sareko plazan. Egoerak eskatutako pausa baten ondoren, beste sei finalisten begirada ekarriko du Bertsoa.eus-ek datozen asteetan, sakonean. Txapelketako eta finaleko irakurketak, sentipenak, gazi-gozoak, plazaren irakurketa eta aurrera begirako asmoak.

Bertsoa.eus-ek dagoeneko jaso ditu Aitor Mendiluze, Alaia Martin, Nerea Ibarzabal, Joanes Illarregi, Beñat Gaztelumendi eta Sustrai Colinaren lekukotza biziki interesgarri eta sintzeroak. Datozen sei asteetan argitaratuko ditugu, asteartetan.