Gaizka Azkarate Uzin - Hitzetik Hortzerako zuzendaria 2023-09-12
Gaizka Azkarate Ucin Hitzetik Hortzerako zuzendariak bertsolaritzaren plazako aniztasuna telebistara eramatea jarri du programaren helburu nagusitzat larunbat honetan hasiko den denboraldi berrian atarian. Telebistan erreferentziazko plaza izaten jarraitu nahi du Hitzetik Hortzerak bertsozaleari bertsoez eta bertsolaritzaz gozatzeko programa eskainiaz.
Bertso antologia ezik, plazako formato desberdinak, bertsolari aniztasuna, herrialde desberdinetako saioak, txapelketako saioak eta abar bilduko ditu ETB1ko hitzorduak.
34. denboraldiaren berritasunak ere azpimarratu ditu Soraluzeko zuzendariak: Mirari Martiarena aurkezle, iruditeri berria, bertso-jarri musikatuak... eta hori guztiak ziklo berri baten hasieran.
Astero herriz-herri ibiliko da Hitzetik hortzera. Bi bertso saiotako bertsoaldiak eta Maritiarenak elkarrizketatuko duen gonbidatuak osatuko dute programaren eduki nagusia. Bertso jarri musikatuek ere izango dute tarterik abendura bitartean.
Horrez gain, gertuko jarraipena egingo die Bizkaiko eta Nafarroako Txapelketei, eta baita Taldeko Xilabari ere. Bizkaiko eta Nafarroako finala zuzenean emango ditu eta hurrengo egunean finalei buruzko programa berezia egin.
Larunbatean eta igandean ETB1n
Azken denboraldietan bezala, Hitzetik Hortzeraren emisioa larunbat gauean izango da, 21:00etan, ETB1n. Igandean, 15:00etan, errepikapena.
Gipuzkoako Bertsolari Txapelketa 2024 2024-09-06
Asier Azpirozí jarritako gaia 2024-09-03
Udako Ikastaroetako hitzaldiak sarean - Beñat Gaztelumendi Arandia 2024-09-02
Jone Uria Albizuri - Señora Sariketako Pameladuna 2024-06-14
Jon Agirresarobe Lopetegi 'Torrotxo' - Bertsolari Bertsozale podkasta 2024-05-17
Anonyme Popularren agurreko kontzertuak maiatzean eta ekainean 2024-04-18