Maialen Lujanbio 2014-10-22

Maialen Lujanbio: "Melodiaren indargunean testuaren indargunea joatea da ideala"

Lagun batek aholkatuta eta doinua zoragarri iritzita heldu zion Maialen Lujanbiok Elgeta trikiti doinu herrikoia moldatzeari, zehazki Iker Goenaga trikitilariaren bertsioan.

Baina zeren bila? Maialenek dio doinu honen egiturak pentsatzeko modu desberdin bat eskatzen ziola, eta horrek  “beharbada gauzak bestela esatera eraman zaitzake”

Egitura ohikoa da 8 silabako 8 puntu (Habanera...) baina doinuak berak, erritmoak beste modu batean markatzen ditu indarguneak. Eta horren bila dabil hernaniarra.

Finalean, Barakaldon, kartzelakoan entzun genuen lehenengoz. “Norbere mundu intimo” izena du ordutik. Oraindik doinua osatzen, moldatzen joan behar duela uste du, eta horixe eskatzen du “eskertuko nuke denboratxo bat doinua nere egiteko”

Igor Elortza, Amets Arzallus eta Aitor Sarriegirekin ere hitz egin dugu bertsotarako doinu berriei buruz.

• 
•