Bizkaiko Bertsolari Txapelketa 2018-11-26

Nerea Ibarzabal ere Bizkaiko finalera

Nerea Ibarzabalek irabazi Bizkaiko Txapelketako bigarren finalaurrekoa eta finalean izango da bigarrenez jarraian. Igorren jokatu zen saioan Onintza Enbeita gelditu zen bigarren eta Eneko Abasolo 'Abarkas' hirugarren. Igorreko kiroldegia erabat beteta jokatu zen saioa eta honako hau izan zen sailkapena:

• Nerea Ibarzabal Salegi                        514
• Onintza Enbeita Maguregi                   497,5
• Eneko Abasolo Txabarri 'Abarkas'         487,5
• Malen Amenabar Larrañaga                 474,5
• Oihana Bartra Arenas                          467,5
• Beñat Ugartetxea Ostolaza                  460,5

Igorreko bertso hautaketa sarean izango da gaur egunean zehar.

Bi finalaurreko jokatuta, Miren Amuriza eta Nerea Ibarzabal dira oraingoz Miribillan izango direnak. Aukera handiak dituzte Xabat Galletebeitiak eta Onintza Enbeitak ere.

Azken finalaurrekoa, abenduaren 1ean, Lekeitioko Santi Brouard kiroldegian, 17:00etan

• Ander Elortegi Garatea
• Arrate Illaro Etxebarria
• Etxahun Lekue Etxebarria
• Ibon Ajuriagojeaskoa Garmendia
• Jone Uria Albizuri
• Txaber Altube Sarrionandia

Egin beharreko lanak
Kanporaketetako fasean bertsolariek egin beharreko lanak hauek izango dira:
-Zortziko nagusian ofiziotan hiruna bertso
-Zortziko txikian ofiziotan hiruna bertso
-Puntua emanda bertso bi zortziko txikian
-Hamarreko txikian ofiziotan hiruna bertso
-Bakarkako lana: gai bati buruz hiru bertso, doinu eta neurri librean

Finala abenduaren 15ean jokatuko da Bilbon, Miribillan.