Transexualitatea 2019-05-15

Trans bertso saioa egingo da Hernanin, Trans Zikloaren baitan

Trans bertso saioa egingo da Hernanin, Trans Zikloaren baitan
Kattalin Minerren 'MOIO: Gordetzea ezinezkoa zen' liburuaren aurkezpenaren harira antolatu da zikloa

Hernanin "Gordetzea ezinezkoa da!" Trans Zikloa antolatu du herriko Berdintasun Kontseiluak aste honetan, eta bi ekimen nagusi egingo dira.

Asteazkenean, maiatzak 15, Kattalin Minerrek "MOIO: Gordetzea ezinezkoa zen" izeneko liburua aurkeztuko du Biterin, 19:30ean. Liburuan duela 12 urte bere buruaz beste egin zuen Aimar Elosegi Ansa gazte transexualaren istorioa oroitu du; hainbat lagun elkarrizketatu ditu horretarako, eta orduko hartan tabuak hausteko egin zen ariketa publikoak zer eman zuen aztertu du. 

Igandean, zikloa ixteko, trans bertso saioa egingo da Ezkiaga pasealekuan -euria egingo balu, Sandiusterri aretoan- 19:00etan. Kantuan Maialen Lujanbio, Eli Pagola, Beñat Gaztelumendi, Miren Artetxe, Nerea Ibarzabal eta German Urteaga arituko dira, Amaia Agirreren gaiei erantzunez. 

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin