Danele Sarriugarte - Señora Sariketako antolakuntza kidea 2022-06-08

«Señora Sariketaren orain arteko bidearekin oso pozik gaude»

Danele Sarriugarte da Señora Sariketako antolakuntza kideetako bat eta bera ere belarritik belarrirako irribarrez zegoen larunbat arratsaldean sariketa bukatu berritan. Bigarren edizio honek ere izan duen erantzuna azpimarratu du Sarriugarte, bai bertsolarien aldetik bai publikoaren aldetik. Bi kanporaketa (Hendaia eta Laudio) eta finala izan ditu aurtengo Señorak eta hiruretan erabat bete da aretoa. 200 lagun inguru elkartu ziren Leitzan.

Datozen egunetan balorazioa egingo dutela azaldu du eta aztertuko dutela aurrera begira zer pausu eman.