Osinalde Sariketako finalistak erabakita 2023-04-02
Osinalde Sariketako finalistak erabakita gelditu dira, hiru konporaketak jokatuta: Oihana Arana, Xabat Illarregi, Aner Euzkitze, Irati Alcantarilla, Lander Arizmendi eta Unai Izagirre ariko dira Gabirian kantuan apirilaren 15ean. Arana, Illarregi eta Euzkitze kanporaketak irabazita sailkatu dira, Ordizian, Zaldibian eta Aztirian, hurrenez hurren. Beste hirurak beren kanporaketan bigarren postua eginda.
Azken kanporaketa, Aztiria Bat Saria, larunbatean jokatu zen Gabiriako Aztiria auzoan: Aner Euzkitze, Irati Alcantarilla, Aroa Arrizubieta, Aitor Ugarte, Lurdes Ondaro eta Urko Arregi aritu ziren kantuan, Aztiria Bat elkartean.
Elkarteetara itzulera beroa
Osinaldeko finalera bidean sari izaera duten hiru kanporaketa jokatu dira Ordizian, Zaldibian eta Aztirian. Argi Berri Saria Ordizian, Osinberde Saria Zaldibian eta Aztiria Bat Saria Aztirian. Osinalde Sariketako aurtengo lerroburua zen pandemia ondoren, sariketa osoa elkarteetara itzuliko zela eta oso harrera beroa izan du itzulera horrek, toki gehienetan sarrerak agortuta.
(Argazkia: Goierri Telebista)
Larunbatean 21:00etan ETB1n 2024-09-19
Larunbat honetan hasiko da denboraldi berria 2024-09-12
Gipuzkoako Bertsolari Txapelketa 2024 2024-09-06
Asier Azpirozí jarritako gaia 2024-09-03
Udako Ikastaroetako hitzaldiak sarean - Beñat Gaztelumendi Arandia 2024-09-02
Jone Uria Albizuri - Señora Sariketako Pameladuna 2024-06-14