Bertsolari Txapelketa nagusiko bertsoaldi historikoak 2017-07-28

Belodromoko azkena

Andoni Egaña, Maialen Lujanbio, Jexux Mari Irazu, Aitor Mendiluze, Jon Maia, Igor Elortza, Sustrai Colina eta Unai Iturriaga aritu ziren 2001eko finalean. Jexux Mari Irazuk eta Jon Maiak zortziko handian egindako saioa berreskuratu dugu.

 Udazkenean hasiko da Bertsolari Txapelketa Nagusia. Bien bitartean, motorrak berotze aldera, 1986tik hona jokatutako finaletako bertsoaldirik onenak ari gara errekuperatzen Bertsoa.eus-en.

 Belodromoko azkeneko finala

 2001eko Bertsolari Txapelketa Nagusiko finaleko bertsoaldi bat berreskuratuko dugu aste honetan. Belodromoan jokatutako azkeneko finala izan zen 2001eko hura. 1997ko finalean aritutako bertsolariak ziren final hartan aritutako gehienak (Andoni Egaña, Maialen Lujanbio, Jon Maia, Jexux Mari Irazu eta Unai Iturriaga) eta beste hiru aurpegi berri ere jardun ziren beraiekin: aurreko finalera sailkatu ez ziren Aitor Mendiluze eta Igor Elortza, eta bere lehenengo txapelketan finalera sailkatu zen Sustrai Colina.

 Andoni Egañaren hirugarrena

 Azkenean, 1993 eta 1997ko finaletan bezala, Andoni Egaña geratu zen txapeldun. Txapelketa gogoangarria egin zuen Maialen Lujanbio aritu zen berarekin buruz burukoan.

 Goizeko lehenengo bertsoaldia

 Zortziko handiko lanekin hasi ziren finaleko ariketa puntuagarriak. Jon Maia eta Jexux Mari Irazuk egin zuten lehenengo ariketa. Elkarrekin bizi ziren neska-mutilak ziren. Jon, neska, egunero joaten zen lanera eta Jexux Mari, mutila, etxean geratzen zen etxeko lanak egiten. Egun hartan, ordea, Jonek, lanak bukatu eta gosez etxeratutakoan, mahai gainean lore sorta eder bat aurkitu zuen. Oso goitik hasi zuten finala bertsolariek, gero zetorren saioaren erakusgarri.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin