Xabier Amuriza: azkeneko plaza Altzon

2016ko apirilaren 29an, 75 urte bete berritan egin zuen azkeneko plaza Altzon, Miren Amuriza alaba ondoan zuela. Agurraren inguruan aritu da Andoni Egañarekin. 2016ko apirilaren 29a. Bertsozale askoren gogoan iltzatuta geratuko den data da. Egun hartan egin zuen Xabier Amurizak bere azkeneko bertso-saioa Altzon, alaba, Miren Amuriza, bertsokide zuela. Aurretik, lau hamarkadatako bertso-ibilbide oparoa osatua zuen, Euskal Herriko Bertsolari Txapelketa Nagusiko bi txapel jantzita. Belaunaldi desberdinetako bertsolarientzat erreferente izan da Xabier Amuriza. Tartean, Andoni Egañarena. Zarauztarrak egindako elkarrizketa mamitsua argitaratzen ari gara, astez aste, Bertsoa.eus-en. Azkeneko plaza Altzon Altzon egin zuen azkeneko plaza Xabier Amurizak 2016ko apirilaren 29an. Azkeneko elkarrizketa zati honetarako bertara itzuli da Andoni Egañarekin batera, eta saioaren inguruko xehetasunak emateaz gain hemendik aurrerako asmoen inguruan aritu dira.