Bizkaiko Bertsolari Txapelketa 2010-12-09

Erabakita dago finaleko zortzikotea

 Igandean jokatu zen Bizkaiko Bertsolari Txapelketako azkeneko finalaurrekoa, Gernika-Lumoko Jai-Alai pilotalekuan. Itxura ederra hartu zuen frontoiak, jende ugari bertaratu zen eta. Dena den, saioa berandu hasi zen, argi-indarrarekin arazoak izan baitziren aurretik eskualde osoan. Zuriñe Iarritu aritu zen gaiak jartzen eta honela gelditu zen saioko sailkapena:

 1.- Beñat Ugartetxea  513 punturekin
 2.- Fredi Paia        503,5 punturekin
 3.- Gorka Ostolaza    503 punturekin
 4.- Joseba Artza      492,5 punturekin
 5.- Oihana Bartra     484,5 punturekin
 6.- Xabier Enbeita    470 punturekin

 Gauzak honela, erabakita gelditu da finalerdietako sailkapena, eta, ondorioz, ze zortzi bertsolari ariko diren finalean. Honela gelditu dira puntuazioak:

 1.- Onintza Enbeitak              545 puntu, zuzenean sailkatua
 2.- Miren Amurizak                542 puntu, zuzenean sailkatua
 3.- Etxahun Lekuek                538 puntu
 4.- Arkaitz Estiballesek          526,5 puntu
 5.- Jone Uriak                    526,5 puntu
 6.- Eneko Abasolo "Abarkas"-ek    515,5 puntu
 7.- Peio Ormazabalek              513 puntu
 8.- Beñat Ugartetxeak             513 puntu, zuzenean sailkatua
 9.- Fredi Paiak                   503,5 puntu
 10.- Gorka Ostolazak              503 puntu
 11.- Iratxe Ibarrak                500,5 puntu
 12.- Gorka Lazkanok                493 puntu
 13.- Joseba Artzak                492,5 puntu
 14.- Ibon Ajuriak                 486 puntu
 15.- Oihana Bartrak               484,5 puntu
 16.- Xabier Enbeitak              470 puntu
 17.- Arrate Illarok               457,5 puntu
 18.- Xabat Galletebeitiak         452 puntu

 Beraz, honako zortzi bertsolari hauek kantatuko dute finalean: Zuzenean sailkatu diren Onintza Enbeitak, Miren Amurizak eta Beñat Ugartetxeak; eta puntuazioz sailkatu diren Etxahun Lekuek, Arkaitz Estiballesek, Jone Uriak, Eneko Abasolo "Abarkas"-ek eta Peio Ormazabalek. Hilaren 18an izango da finala Barakaldoko BEC aretoan.

Astelehenean aurkezpena

Datorren astelehenean aurkeztuko dute Durangon Bizkaiko finala. Aurrekoarekin alderatuta bost aurpegi berri izango ditu, belaunaldi berri bat sartu da zortzikotean, eta azken finaletan ohikoak ziren bertsolariak finaletik kanpo gelditu dira. Amuriza, Uria, Abasolo, Ormazabal eta Ugartetxeak lehen aldiz kantatuko dute Bizkaiko final batean. Iratxe Ibarra eta Fredi Paia berriz, finaletan traiektoria handiko bertsolariak, finaletik kanpora gelditu dira aurtengoan.

Publikoak erantzun oso ona
Hiru finalerdiotan bertsozaleek oso erantzun ona eman diote txapelketari bai Durangon, bai Zornotzan eta bai Gernikan. Hiru saiotan 900-1000 lagun inguru ibili dira bakoitzean. Finala BEC-en izango da, abenduaren 18an eta Bertsoa.com-ek zuzenean emango du ekitaldia.