Aitor Mendiluze Gonzalez - elkarrizketa 2022-11-14
«Taldea eta 24 ordutan bertsogintza presente izatea dira nire lanketaren klabeak»
Aitor Mendiluze Gonzalez (Andoain, 1975) eroso eta gustura sentitu zen Durangoko finalaurrekoan. Zazpigarren Txapelketa Nagusia du bertsolari andoaindarrak eta aurtengoan ez parte hartzea gailendu zitzaion ia epe mugaren azkenera arte. Inguruak hauspotuta baiezkoa eman eta bertsotarako aldarte onean harrapatu du.
Mendiluzek «inoiz baino gehiago» sentitu du esperientziaren pisua eta hortik irakurtzen du Durangokoa ere. Egungo txapeldunordea txapelaren bila doan galdetuta, «ez ez, ez» dio «Ni hori baino anbiziosoagoa naiz. Nire anbizioa bertsotan egitea da».
