Xilaba 2012-10-30

Donibane Garaziko bertsoaldi onenak ikusgai

Sustrai Colina nagusitu zen azkeneko finalaurrekoan, 332 punturekin. Atzetik izan zituen Odei Barroso (312 puntu), Maddi Sarasua (289,5 puntu), Maddi Ane Txoperena (284,5 puntu), Egoitz Zelaia (268,5 puntu) eta Ramuntxo Christy (268 puntu). Finalean Amets Arzallus, Sustrai Colina, Odei Barroso, Eneritz Zabaleta, Xumai Murua eta Maddi Sarasua ariko dira.

Joan zen larunbatean jokatu zen Xiberoa, Lapurdi eta Baxe Nafarroako Bertsolari Txapelketako azkeneko finalaurrekoa Donibane Garaziko Vauban zineman. 300 lagunetik gora elkartu ziren bertan saioa jarraitzeko. Pantxika Solorzano aurkezle zutela, saio ederra osatu zuten sei bertsolariek. Honela gelditu ziren bukaerako puntuazioak:

1.- Sustrai Colinak         332 puntu (zuzenean sailkatua)
2.- Odei Barrosok           312 puntu
3.- Maddi Sarasuak          289,5 puntu
4.- Maddi Ane Txoperenak    284,5 puntu
5.- Egoitz Zelaiak          268,5 puntu
6.- Ramuntxo Christyk       268 puntu

Ondorioz, Amets Arzallus, Sustrai Colina, Odei Barroso, Eneritz Zabaleta, Xumai Murua eta Maddi Sarasua sailkatu dira finalerako. Finala azaroaren 10ean izango da, Baionako Lauga gelan. Arratsaldeko 17:30etan hasiko da saioa eta sarrerak oraindik eskuragai daude bertsosarrerak.eu atarian.

Donibane Garaziko bertsoaldirik onenak ikusgai daude jada Bertsoa.com-en.

Informazio gehiago aurki daiteke Xilabaren web orrian.